ਇੰਡੈਕਸ

ਯੂਟਿਕਾ ਸਿਟੀ ਸਕੂਲ ਡਿਸਟ੍ਰਿਕਟ ਵਿਖੇ ਆਵਾਜਾਈ ਦਾ ਆਪਰੇਸ਼ਨ ਰੋਜ਼ਾਨਾ 7,500 ਤੋਂ ਵਧੇਰੇ ਵਿਦਿਆਰਥੀਆਂ ਵਾਸਤੇ ਆਵਾਜਾਈ ਦਾ ਤਾਲਮੇਲ ਬਿਠਾਉਂਦਾ ਹੈ। ਇਸ ਵਿੱਚ 130 ਤੋਂ ਵਧੇਰੇ ਬਕਾਇਦਾ ਅਤੇ ਵਿਸ਼ੇਸ਼-ਸਿੱਖਿਆ ਵਾਲੇ ਵਿਦਿਆਰਥੀਆਂ ਦੀਆਂ ਯਾਤਰਾਵਾਂ ਸ਼ਾਮਲ ਹਨ, ਦਿਨ ਵਿੱਚ ਦੋ ਵਾਰ, ਸਕੂਲੀ ਜਿਲ੍ਹੇ ਦੇ ਦਸ ਐਲੀਮੈਂਟਰੀ ਸਕੂਲਾਂ, ਦੋ ਮਿਡਲ ਸਕੂਲਾਂ ਅਤੇ ਹਾਈ ਸਕੂਲ ਤੋਂ ਆਉਣ ਅਤੇ ਜਾਣ ਲਈ। ਇਸਤੋਂ ਇਲਾਵਾ, ਆਵਾਜਾਈ ਆਪਰੇਸ਼ਨ ਜਿਲ੍ਹੇ ਦੀਆਂ ਵਿਸ਼ੇਸ਼ ਲੋੜਾਂ ਵਾਲੇ ਵਿਦਿਆਰਥੀਆਂ, ਪੈਰੋਕੀਅਲ ਸਕੂਲੀ ਵਿਦਿਆਰਥੀਆਂ, ਰੋਜ਼ਾਨਾ ਵਿਦਿਆਰਥੀਆਂ ਦੀਆਂ ਸ਼ਟਲਾਂ ਅਤੇ ਸਕੂਲ ਤੋਂ ਪਹਿਲਾਂ ਅਤੇ ਸਕੂਲ ਤੋਂ ਬਾਅਦ ਦੇ ਕਈ ਸਾਰੇ ਪ੍ਰੋਗਰਾਮਾਂ ਨੂੰ ਵੀ ਸੇਵਾਵਾਂ ਪ੍ਰਦਾਨ ਕਰਾਉਂਦਾ ਹੈ।

ਜਿਲ੍ਹਾ ਬਹੁਤ ਸਾਰੇ ਬੱਸ ਰੂਟਾਂ 'ਤੇ ਇੱਕ "ਦੂਹਰੇ ਗੇੜੇ" ਦੀ ਪ੍ਰਕਿਰਿਆ ਲਾਗੂ ਕਰਦਾ ਹੈ, ਜਿਵੇਂ ਕਿ ਹਾਈ ਸਕੂਲ ਦੇ ਵਿਦਿਆਰਥੀਆਂ ਨੂੰ ਪ੍ਰੋਕਟਰ ਹਾਈ ਸਕੂਲ ਵਿਖੇ ਲੈਕੇ ਜਾਣਾ ਅਤੇ ਫੇਰ ਐਲੀਮੈਂਟਰੀ ਵਿਦਿਆਰਥੀਆਂ ਨੂੰ ਉਹਨਾਂ ਦੇ ਸਬੰਧਿਤ ਸਕੂਲਾਂ ਤੱਕ ਲੈਕੇ ਜਾਣ ਲਈ ਉਸੇ ਬੱਸ ਨੂੰ ਭੇਜਣਾ। ਇਹ ਯੋਜਨਾ ਸਾਡੀਆਂ ਸਕੂਲੀ ਬੱਸਾਂ ਦੀ ਸਭ ਤੋਂ ਵੱਧ ਵਰਤੋਂ ਕਰਦੀ ਹੈ ਅਤੇ ਵਿਭਿੰਨ ਗਰੇਡ ਪੱਧਰਾਂ ਅਤੇ ਇਮਾਰਤਾਂ ਵਾਸਤੇ ਸ਼ੁਰੂਆਤੀ ਸਮਿਆਂ ਨੂੰ ਲੜੀਬੱਧ ਕਰਦੀ ਹੈ।

ਸਕੂਲ ਬੱਸ ਡਰਾਇਵਰ ਸੜਕ ਤੇ ਸਭ ਤੋਂ ਵੱਧ ਸਿਖਿਅਤ, ਪਰਖੇ ਅਤੇ ਨਿਰੀਖਣ ਕੀਤੇ ਡਰਾਇਵਰ ਹੁੰਦੇ ਹਨ। ਯੂਟੀਕਾ ਸਿਟੀ ਸਕੂਲ ਡਿਸਟ੍ਰਿਕਟ ਬੱਸ ਦੇ ਡਰਾਇਵਰ ਏਅਰ ਬਰੇਕ, ਪੈਸੰਜਰ ਅਤੇ ਸਕੂਲ ਬੱਸ ਤਸਦੀਕ ਨਾਲ ਸੀ ਡੀ ਐਲ (CDL) ਕਲਾਸ ਬੀ ਦੇ ਲਾਇਸੈਂਸ ਪ੍ਰਾਪਤ ਕਰਦੇ ਹਨ। ਇਹਨਾਂ ਸਾਰਿਆਂ ਦੇ ਫਿੰਗਰਪ੍ਰਿੰਟ ਲਏ ਜਾਂਦੇ ਹਨ ਅਤੇ ਅਪਰਾਧਕ-ਇਤਿਹਾਸ ਨੂੰ NY DCJS ਅਤੇ FBI ਦੁਆਰਾ ਕਲੀਅਰ ਕੀਤਾ ਜਾਂਦਾ ਹੈ। ਉਨ੍ਹਾਂ ਦੀਆਂ ਸਾਲਾਨਾ ਡਾਕਟਰੀ ਜਾਂਚਾਂ ਅਤੇ ਸਰੀਰਕ ਪ੍ਰਦਰਸ਼ਨ ਦੀ ਜਾਂਚ ਹੁੰਦੀ ਹੈ। ਉਹਨਾਂ ਨੂੰ ਲਾਜ਼ਮੀ ਤੌਰ 'ਤੇ NYSED ਦੀ ਲੋੜ ਅਨੁਸਾਰ ਨਸ਼ੀਲੀਆਂ ਦਵਾਈਆਂ ਅਤੇ ਅਲਕੋਹਲ ਦੇ ਟੈਸਟਾਂ (ਬੇਤਰਤੀਬ ਸਮੇਤ) ਅਤੇ ਸੇਵਾ-ਵਿੱਚ ਲਿਖਤੀ ਅਤੇ ਪਹੀਏ ਦੇ ਪਿੱਛੇ ਦੇ ਟੈਸਟਾਂ ਨੂੰ ਪਾਸ ਕਰਨਾ ਚਾਹੀਦਾ ਹੈ। ਆਵਾਜਾਈ ਦੇ ਕੁੱਲ ਅਮਲੇ ਵਿੱਚ ਬੱਸ ਡਰਾਈਵਰ ਅਤੇ ਯੂਟਿਕਾ ਸਿਟੀ ਸਕੂਲ ਡਿਸਟ੍ਰਿਕਟ ਵੱਲੋਂ ਨਿਯੁਕਤ ਕੀਤੇ ਬੱਸ ਮੋਨੀਟਰ ਅਤੇ ਨਾਲ ਹੀ ਨਾਲ ਸਾਡੇ ਠੇਕੇ 'ਤੇ ਲਏ ਬੱਸ ਪ੍ਰਦਾਨਕ ਡਰਹੈਮ ਸਕੂਲ ਸੇਵਾਵਾਂ ਦੋਨੋਂ ਸ਼ਾਮਲ ਹਨ।

ਸਾਡਾ ਸੁਪਨਾ:
ਯੂਟੀਕਾ ਸਿਟੀ ਸਕੂਲ ਡਿਸਟ੍ਰਿਕਟ ਦੇ ਟਰਾਂਸਪੋਰਟੇਸ਼ਨ ਡਿਪਾਰਟਮੈਂਟ ਦਾ ਟੀਚਾ ਹੈ ਯੋਗ ਸਾਰੇ ਵਿਦਿਆਰਥੀਆਂ ਵਾਸਤੇ ਸੁਰੱਖਿਅਤ ਅਤੇ ਭਰੋਸੇਯੋਗ ਆਵਾਜਾਈ ਸਾਧਨ ਪ੍ਰਦਾਨ ਕਰਾਉਣਾ। ਸਾਡੇ ਬੱਸ ਡਰਾਇਵਰ, ਅਤੇ ਨਾਲ ਹੀ ਸਾਡੇ ਮੋਨੀਟਰ, ਜਨਤਕ ਆਵਾਜਾਈ ਸੇਵਾਵਾਂ ਵਿੱਚ ਸਿਖਲਾਈ ਪ੍ਰਾਪਤ ਅਤੇ ਪ੍ਰਮਾਣਿਤ ਹੁੰਦੇ ਹਨ, ਅਤੇ ਨਾਲ ਹੀ ਕਿਸੇ ਵੀ ਘਟਨਾ-ਦ੍ਰਿਸ਼ ਲਈ ਤਿਆਰੀ ਕਰਦੇ ਹਨ ਜੋ ਵਾਪਰ ਸਕਦਾ ਹੈ। ਅਸੀਂ ਲਗਾਤਾਰ ਸੁਧਾਰ ਕਰਨ ਦੇ ਅਜਿਹੇ ਤਰੀਕਿਆਂ ਦੀ ਤਲਾਸ਼ ਕਰ ਰਹੇ ਹਾਂ ਜੋ ਇਹ ਯਕੀਨੀ ਬਣਾਉਣਗੇ ਕਿ ਹਰੇਕ ਬੱਚੇ ਨੂੰ ਸਭ ਤੋਂ ਵਧੀਆ ਸੰਭਵ ਚਿੰਤਾ-ਮੁਕਤ ਆਵਾਜਾਈ ਸੇਵਾਵਾਂ ਮਿਲਦੀਆਂ ਹਨ।

ਐਡਰੈੱਸ ਬਦਲਾਅ:
ਜੇ ਤੁਸੀਂ ਕਿਸੇ ਹੋਰ ਪਤੇ 'ਤੇ ਚਲੇ ਗਏ ਹੋ ਜਾਂ ਜੇ ਤੁਹਾਨੂੰ ਡੇ-ਕੇਅਰ ਬਿਜ਼ਿੰਗ ਸਥਾਪਤ ਕਰਨ ਦੀ ਲੋੜ ਹੈ ਤਾਂ ਕਿਰਪਾ ਕਰਕੇ ਉਸ ਸਕੂਲ ਨਾਲ ਸੰਪਰਕ ਕਰੋ ਜਿੱਥੇ ਤੁਹਾਡਾ ਬੱਚਾ ਜਾਂਦਾ ਹੈ। ਕਿਰਪਾ ਕਰਕੇ ਨੋਟ ਕਰੋ ਕਿ ਬੱਸਾਂ ਵਿੱਚ ਤਬਦੀਲੀਆਂ ਨੂੰ ਅਸਰਦਾਰ ਹੋਣ ਲਈ 3-5 ਦਿਨ ਲੱਗ ਸਕਦੇ ਹਨ।

ਹਾਈ ਸਕੂਲ

ਮਿਡਲ ਸਕੂਲ

ਐਲੀਮੈਂਟਰੀ ਸਕੂਲ

ਯੂਟਿਕਾ ਸਿਟੀ ਸਕੂਲ ਡਿਸਟ੍ਰਿਕਟ ਟਰਾਂਸਪੋਰਟੇਸ਼ਨ ਡਿਪਾਰਟਮੈਂਟ